Prefektura(Qarku) i Lezhes 

           

                                 Turizmi.

Vendndodhja gjeografike e territorit,mbizotërimi i tipeve të ndryshme të klimës,pasuritë natyrore, si dhe potencialet njerëzore përbëjnë një kompleks faktorësh që e favorizojnë zhvillimin e turizmit në këtë rajon.Investimet private dhe shtetërore në këtë drejtim do t’i shërbenin shfrytëzimit të këtyre resurseve të mrekullueshmë,që zoti dhe natyra kanë dhuruar në këtë rajon.

Bukuritë natyrore të maleve,fushave,detit,luginave të lumenjëve,lagunave etj,janë në funksion të njëra-tjetrës më mirë se kudo. Gërshetuar me objektet arkeologjike,historike,etnografike etj,këto paraqesin mjaft interes për tu vizituar nga turistë e vizitorë të ndryshëm vëndas dhe të huaj.Vija bregdetare prej 38 km alternuar me zonën turistike dhe pasuritë e saj,është një mrekulli e veçantë. Me tërë këtë kompleksistet bukurish natyrore,qarku i Lezhës,cilësohet si Perlë e Veriut dhe viseve të shqipërisë së Epërme.Për llojshmërinë e tij,turizmi në këtë rajon është e duhet të jetë prioritet i politikave aktuale dhe perspektive të njësive vendore,qeverisë shqiptare e donacioneve të ndryshme.

                                                       Turizmi Detar.

38 km vijë bregdetare krijojnë mundësi zhvillimi për pika e vende të tjera plazhi e pushimi,perveç ekzistuese të Shëngjinit,Kune-Vainit,Tales,Patokut etj.Kapaciteti i këtyre plazheve do të ishte për rreth 300000 pushues në vit,nëse do të rregullohej infrastruktura komunikuese dhe ajo në përgjithësi.

Turizmi lagunor.

Për vetë bukuritë që paraqet kompleksi natyror i lagunave të Kune- Vainit,Patokut, shumllojshmërisë së specieve të florës dhe faunës që ndodhen aty,janë cilësuar“ Ornitiologjia e Mesdheut ”.Flora dhe fauna e këtushme kontribuon në biodiversitetin dhe vlerat ekoturistike dhe estetike të vetë këtyre lagunave. Infrastruktura në mundësimin e njohjes dhe shijimin e këtyre bukurive është jo funksionale.Ndërkohë banorët dhe investitorët vendas,sipas mundësive kanë dhënë kontributin e vet në përmirësimin e saj,duke hapur një sërë hotelesh e qëndrash të tjera pushimi.Shembull që duhet vlerësuar,dhe është një apel për institucionet shtetërore,për t’i kthyer sytë nga këto anë,që prej kohësh i kanë lënë në harresë.

                      Turizmi në luginat e lumenjëvë.(Luginor )

Lumenjtë që përshkojnë territorin e qarkut të Lezhës,(Drini,Mati,Fani,Droja,Urdhaza,Uraka etj),kur zbresin në zonat fushore,krijojnë kushte të favorshme,mikromjedise e bukuri të favorshme ku mund të zhvillohet turizmi. Bukuritë e natyrës malore,herë të thepisura e herë të pjerrta,ujrat e lumenjëvë,flora dhe fauna ujore e tokësore të ambjentit përrreth,ndërthuren mrekullisht dhe krijojnë larmi peisazhesh natyrore me vlera të mëdha turistike.Këto përshkohen nga rrugë nacionale,superstradë dhe autostradë,që pëbën një avantazh në frekuentimin e tyre nga ana e pushuesve.

                                                      Turizmi Malor.

Eshtë një mundësi që afrohet në këtë rajon,favorizuar nga prania e maleve të lartësive të ndryshme që shkon deri 2121m(Kunora e Mirditës) mbi nivelin e detit.Përveçëse një flore dhe faune të pasur kemi klimë të freskët, e burime natyrore kurative.Bjeshka Kunorës,Shenjtit,Zepës,Munellës,Trodhnes,ujrat e Gurrës së Domgjonit,Kroit të Bardhë,Shutrrejës,Bargjanës,Nanshenjtit,e të tjera si këto ,janë bukuri natyrore të spikatura.

Uji i krojt të Bardhë në Selitë të Mirditës,veçanarisht për vlerat kurative që mbart është i veçantë në llojin e vet.Pasi është provuar se shëron shumë sëmundje,ndaj frekuentohet sidomos në verë nga shumë pushues.

  Turizmi arkeologjik dhe historik.

Objeketet arkeologjike,historike muzeale dhe ato të kultit janë pjesë e rëndësishme e një prezantimi dinjitoz e me vlera të mëdha turistike.Disa prej tyre si :Qyteti Ilir i Lissit,Vendvarrimi i heroit tonë kombëtar Gjergj Kastrioti,Kalaja e Lezhës,Sarajet e Kapidanit në Mirditë,Kështjella e Sebastes,Kalaja e Daulës etj,paraqesin in teres për tu vizituar e njohur nga vizitorë e turistë.

Gjithashtu objekte monumente kulture historike dhe natyrore të shumta ndodhen në territorin e këtij qarku si;Ura e Zogut në lumin Mat,Rrapi i Daulës në Daul të Kurbinit,Rrapi i Pirajve në Blinisht të Zadrimës,Disa kulla shekullore në Mirditë,Lisat e Marpepajve në Orosh të Mirditës,Ulliri 500-vjeçar në Kallmet të madh etj.